समाजबादी क्रान्तिका आधारहरु - राजनप्रसाद पोखरेल

२००६ साल देखि नै नेपालका कम्युनिस्टहरुले पार्टीका पूर्ण बैठक, बिस्तारित बैठक, राष्ट्रिय सम्भेलन र महाधिबेसनहरुमा नयाजनबादी क्रान्तिको कर्यदिसा सहित दस्ताबेजहरु प्रस्तुत गर्दै आएका छन् । नयाजनबादी क्रान्तिका आधारहरुका बारेमा कतिपय पार्टीका नेताहरु लगायत धेरै जसो बुद्धिजिबीहरुमा अन्योलता कायमै भएकोले नया जनबादी र समाजबादी क्रान्तिका आधार हरुका बारेमा केहि महत्वपुर्ण बुदाहरु सस्मरणका लागि यहाँ लागि प्रस्तुत गर्ने कोशिस गरेको छु ।

१. नया जनबादी क्रान्ति राजनीतिक, आर्थिक र सामाजिक कार्यक्रम सहितको पुंजिबादी जनबादी क्रान्ति हो । यो देश र जनतालाई सामन्ती तथा औपनिवेसिक वा अर्ध सामन्ती तथा अर्ध औपनिवेशिक अवस्थाबाट मुक्त गर्ने क्रान्ति हो ।

२. देशमा कृषि क्षेत्र वा जमिन सामन्त हरुको कब्जामा छ/ किशान तथा मजदुर माथि चरम दमन तथा शोषणको अबस्था छ ।र सामन्तहरु एबम सामन्ती सत्ताका बिरुद्ध किशान, मजदुर र न्याय प्रेमी जनताको वर्ग संघर्सको अवस्था बिद्दमान छ भने,

३. देशमा बिदेशी प्रभुत्वबादी, बिस्तारबादी तथा साम्राज्यबादिहरुको कठपुतली सरकार छ र त्यस मार्फत उनीहरुले देशका आर्थिक श्रोतहरु माथि कब्जा तथा दोहन गरेका छन् भने, 

४. जनताको स्वतन्त्रता र मानब अधिकार कुण्ठित गरिएको छ भने, 

५. दलाल नोकरशाही पुजीपतिहरुको रजाइ र सोषणका बिरुद्ध राष्ट्रिय पुजीपति, किशान, मजदुर, बुद्धिजिबी र समस्त सोषित पिडित र न्यायप्रेमी जनताहरु एकजुट भएका छन् भने,

६. क्रान्तिकारी पार्टी, क्रान्तिकारी विचार, क्रान्तिकारी मोर्चा र क्रान्तिकारी दस्ताको नेतृत्वमा प्रतिक्रियाबादिहरुको केन्द्रिय सत्ता माथि प्रतिरोध आन्दोलन संगठित भएको हुनुपर्छ ।

नोट: रुस मा १९०५ को बिद्रोहको असफलता पछि पनि लेनिनले देशमा सामन्तबादको अबसान भएको छ/ एसका अवशेषहरु बाँकि भएपनि देशमा बुर्जुवा जनबादी क्रान्ति सम्पन्न भएको छ । अब देश समाजबादी क्रान्ति तर्फ अग्रसर छ/ अब समाजबादी क्रान्ति सम्पन्न गर्नु पर्छ भनेका थिए  ।

- समाजबादी क्रान्तिका आधारहरु: 

१. बिदेशी प्रभुत्वबादीहरु द्वारा समर्थित स्वदेशी सामन्ती तथा प्रतिक्रियाबादीहरुको सत्ता ढलेर राष्ट्रबादी, बामपन्थी एबम क्रान्तिकारीहरुको सत्ता निर्माण भएको हुनुपर्छ वा देश त्यस तर्फ उन्मुख भएको हुञ्छ  । 

२. कृषिमा आधारित अर्थतन्त्र उद्योग तर्फ आकर्षित भएको हुनुपर्छ । उपेक्षित कृषि क्षेत्र पनि औद्योगिकरण तर्फ उन्मुख हुनुपर्छ  ।

३.उद्योगहरुमा मजदुरहरुको असन्तुस्टी र सोषणका कारण मजदुरहरु आफ्नो व्यवहार धान्न नसकेर रास्ट्रको लागि उत्पादन गर्नु पर्ने अबस्थामा पुगेका हुन्छन । कृषि र उद्योगलाइ समुहिकिकरण गरेर मात्र राष्ट्र र जनताको बिकाश हुञ्छ भन्ने मान्यता मा पुगेपछि तिनै किसान र मजदुरहरुको समर्थन र नेतृत्वमा समाजबादी सत्ता निर्माण हुन्छ । आर्थिक, सामाजिक, राजनीतिक र मानबिय भाबनाको बिकाशको सन्तुलन नै समाजबादी क्रान्तिको आधार र उद्देश्य हो  ।

- नेपालको वर्तमान परिस्थिति:

१. नेपालको कृषि तथा जमिनको अत्यधिक भाग अहिले सामन्तहरुको कब्जामा छैन/ 

२. सामन्तबादको केन्द्रिय सत्ता पनि बिस्थापित भैसकेको छ ।

३. कृषकहरुको अत्यधिक उर्जाशील जनशक्ति बिदेशका उद्योग धन्दामा काम गर्न गएकोले नेपालमा औद्योगिकरण हुनथालेपछी मात्र त्यो जनसक्ति फर्केर आउने सम्भावना छ ।

४. ठिक एतिबेला जनताको मानब अधिकार पनि कुण्ठित छैन ।

त्यसर्थ नेपालमा अब नयाजनबादी क्रान्ति होइन, गर्ने भए समाजबादी क्रान्तिको लागि परिस्थिति अनुकुल बनेर गएको छ/अहिलेको मार्क्सबाद सम्मत विचार पनि यहि हो जस्तो लाग्छ मलाई ।

-नोट: कुनै पनि क्रान्तिकारी कम्युनिस्ट पार्टीले सार्बजनिक ठाउँ, हाट-बजार, स्कुल कलेज तथा निर्दोष जनता भेला भएको ठाउमा आक्रमण गर्ने, तथा बम पड्काउने काम गर्दैनन्/कम्युनिस्ट आन्दोलन भनेको मुलत: प्रतिरोध संघर्स हो  ।